Məktəbli avtobusu ilə qatar toqquşdu; azı 40 nəfər xəsarət alıb - FOTO

Yeni Zelandiyada məktəbli avtobusunun və qatarın iştirakı ilə qəza baş verib. Avtosfer.az xəbər verir ki, hadisə Bannitop yaşayış məntəqəsi ərazisində qeydə alınıb. Bu barədə “The New Zealand Herald” nəşri məlumat yayıb.

Qəzetin məlumatına görə, toqquşma nəticəsində azı 40 nəfər xəsarət alıb. Yaralıların hamısı avtobusun sərnişinləridir. Onlardan 6-sı xəstəxanaya yerləşdirilib, vəziyyətləri orta ağır qiymətləndirilir.

Hadisənin baş vermə səbəbləri araşdırılır.

Namiq Musayev