“Mercedes” motosikletlə toqquşdu; 4 nəfər öldü - FOTO

Dağıstanda iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə ötən gün axşam saatlarında Noqay rayonu ərazisində qeydə alınıb.

Məlumata görə, 19 yaşlı sürücü idarə etdiyi “Mercedes-benz Е230” markalı minik avtomobililə, eyni istiqamətdə hərəkətdə olan, 54 yaşlı sürücünün idarə etdiyi “İj-Planeta” markalı motosikletlə toqquşub. Zərbənin təsirindən idarəetmədən çıxan “Mercedes” yol kənarına aşıb.

Qəza nəticəsində hər iki nəqliyyat vasitəsində olan 4 nəfər dünyasını dəyişib.

Faktla bağlı araşdırmalara başlanılıb.

Namiq Musayev