Merin korteji qəzaya düşdü - VİDEO

Moskva meri Sergey Sobyaninin korteji qəzya uğrayıb. Avtosfer.az-ın anspress-ə istinadən verdiyi məlumata görə, hadisə Moskvanın Kutuzov prospektində baş verib. Moskva Şəhər Duması seçkilərinə gedən Sobyaninin olduğu avtomobil zərbəyə tuş gəlsə də mer xəsarət almayıb. Qəzanı törədən sürücü "Mersedes C180" avtomobili ilə hərəkət edib. Avtomobili sürətlə sürən sürücü qarşısında gedən "Şkoda Fabia" və "Kia Rio" avtomobillərini vurub. Zərbədən avtomobil ayırıcı zolağa düşüb. Bu zaman avtomobil Moskva merinin korteji ilə toqquşub. Qəza nəticəsində xəsarət alan olmasa da avtomobillərə ciddi ziyan dəyib. Qəzadan sonra Sergey Sobyanin digər avtomobillə yoluna davam edib.

İlkin məlumata görə, "Mersedes"in sürücüsü avtomobili idarə etmək hüquqa malik deyil.