Mikroavtobusla minik avtomobili toqquşdu

Bu gün Mingəçevirdə iki avtomaşın toqquşub. Avtosfer.az eltv-yə istinadən xəbər verir ki, marşrut xətti üzrə hərəkət edən 10-XM-592 dövlət qeydiyyat nişanlı mikroavtobus M.Ə.Rəsulzadə küçəsindən M.Maqomayev küçəsinə dönərkən M.Ə.Rəsulzadə küçəsi ilə hərəkətdə olan “Toyota” markalı avtmobillə toqquşub. Qəza zamanı xəsarət alan omasa da, avtomobillərə ziyan dəyib. Mingəçevir şəhər DYPB-nın rəisi Bəliyar Bəşirlinin sözlərinə görə, ilkin ehtimala əsasən, “Toyota”nın sürücüsü işıqforun qırmızı işığında hərəkətini davam etdirib. Bu da qəzaya səbəb olub. Faktla bağlı araşdırma aparılır.