Mingəçevirdə "VAZ-2107" “Hyundai”la toqquşdu:ölən və xəsarət alanlar var - FOTO

Mingəçevir şəhərində ölümlə və xəsarətlə nəticələnən yol-nəqliyyat hadisəsi baş verib.

Şəhər ərazisində 90-ES-662 dövlət qeydiyyatı nömrə nişanlı VAZ-2107 avtomobili əks istiqamətdən gələn 77-XL-145 dövlət qeydiyyatı nişanlı “Hyundai” markalı avtomobillə toqquşub.

VAZ avtomobilinin sürücüsü, Yevlax rayon Qaramanlı kənd sakini, 2002-ci il təvəllüdlü Seymur Samir oğlu Talıbov hadisə yerində dünyasını dəyişib. Digər sürücü və daha altı nəfər isə müxtəlif dərəcəli bədən xəsarətləri alıb və Mingəçevir Mərkəzi Şəhər Xəstəxanasına yerləşdirilib.

Hadisənin təfərrüatı araşdırılır. (report)