Minik avtomobili avtobus dayanacağına çırpıldı, yaralılar var - VİDEO

Qazaxıstanın Almatı şəhərində minik avtomobilinin avtobus dayanacağına çırpılması nəticəsində yeddi nəfər xəsarət alıb.

Məlumatı Almatının Baş Polis İdarəsi də təsdiq edib.

Qeyd olunur ki, hadisəni törədən 36 yaşlı sürücü “Mercedes-Benz” markalı avtomobildə olub. O, idarəetməni itirib və avtomobil avtobus dayanacağına çırpılıb.

Xəsarət alan piyadalar tibb müəssisələrinə yerləşdiriliblər.

Onların sağlamlıq vəziyyəti barədə əlavə məlumat verilməyib.

(oxu.az)