Motosiklet su kanalına düşdü; 1 ölü, 1 yaralı - İmişlidə

İmişli rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, avqustun 18-də saat 18 radələrində Qaralar kəndi ərazisində sakin Vasif Məmmədov idarə etdiyi “İJ” markalı motosikleti su kanalına aşırıb. Hadisə nəticəsində V.Məmmədov suda boğularaq ölüb, sərnişini isə xəstəxanaya yerləşdirilib.

Faktla bağlı İmişli Rayon Polis Şöbəsi tərəfindən təhqiqat aparılır.

Namiq Musayev