Nasaz avtobus dayanacağa və köşkə çırpıldı, satıcı yaralandı - VİDEO

Gəncədə avtobusun iştirakıyla yol-nəqliyyat hadisəsi baş verib.
Avtosfer.az-ın məlumatına əsasən, qəza bir neçə gün əvvəl səhər saatlarında yeni Gəncə yaşayış massivində yerləşən dairədə qeydə alınıb. Belə ki, 20-TA-096 dövlət nömrə nişanlı, 9 saylı marşrut üzrə hərəkət edən sərnişin avtobusu idarəetməni itirərək öncə dayanacağa, daha sonra isə ona bitişik olan köşkə çırpılıb. Qəzaya nəqliyyat vasitəsinin əyləc sistemində yaranmış nasazlıq səbəb olduğu bildirilir. 
Qeyd edək ki, hadisə zamanı köşkdə işləyən şəxs xəsarət alıb.

Nərmin