Nəhəng tanker üç balıqçının olduğu qayıqla toqquşdu - VİDEO

Rusiyada Don çayında nəhəng “Suzdal” tankeri kiçik mühərrikli qayıqla toqquşub. Hadisə zamanı qayıqda üç balıqçı olub, xoşbəxtlikdən, onlar vaxtında suya tullana biliblər və xəsarət almayıblar.

Şahidlər hadisənin görüntülərini sosial şəbəkədə paylaşıblar. Artıq qəza ilə bağlı araşdırmalara başlanılıb. 

Məlumata görə, Rostov Nəqliyyat üzrə İstintaq İdarəsinin müstəntiqləri həm toqquşmaya səbəb olan tankerin kapitanının, həm də qayıqlarda balıq tutanların hərəkətlərinə hüquqi qiymət verəcəklər.

oxu.az