Niderlandda gəmilərin toqquşması nəticəsində iki nəfər ölüb

Niderlandda bərə ilə su taksisinin toqquşması nəticəsində 2 nəfər ölüb, 4 nəfər yaralanıb.

Trend-in məlumatına görə, bu barədə ölkənin Tersxellinq bələdiyyəsinin meri Karolina van de Pol deyib.

"2 nəfər ölüb. Bir nəfər ağır, üç nəfər isə yüngül xəsarət alıb. Onların hamısı yaxınlıqdakı xəstəxanaya çatdırılıb. 12 yaşlı uşaq da daxil olmaqla iki nəfər itkin düşü", - deyə o bildirib.

Toqquşma cümə günü səhər Şimal dənizindəki Tersxellinq adasından qərbdə baş verib. Bərənin göyərtəsində 27, taksidə isə 8 nəfər olub.