Nigeriyada yanacaq maşını partlayıb, ölənlər var
Qəzalar 23 Yanvar 2021 23:59 Oxunub 1064
Nigeriyada yanacaq maşını partlayıb, ölənlər var

Nigeriyanın cənub-şərqində qaz daşıyan avtomaşının partlaması nəticəsində azı 30 nəfərin öldüyü ehtimal olunur.

Avtosfer.az APA-ya xəbər verir ki, bu barədə Nigeriyanın “Nation” qəzeti məlumat yayıb.

“Yanvarın 22-də axşam saatlarında Aqbor şəhərində yanacaq doldurma məntəqəsində (YDM) yanacaq xortumundan qazın sızması nəticəsində partlayış baş verib”, - deyə qəzet hadisə şahidi Entoni Uokerdən sitat gətirib.

Partlayış o qədər güclü olub ki, YDM-in yaxınlığında olan 30-dan çox evə ziyan dəyib. Partlayışdan sonra yanğın başlayıb. Ölənlərin əksəriyyəti evlərində olanlardır. 17 nəfər də xəsarətlə xəstəxanaya aparılıb, onların hamısının ağır yanıq xəsarətləri aldığı deyilir.

Partlayışla bağlı araşdırmalara başlanılıb. Hadisə şahidləri dindirilir.

ŞƏRH YAZ
Ad

E-mail

Şərh