Ötməni düzgün etməyən sürücü qəzaya düşdü - VİDEO

Manevr qaydasını pozan sürücü ağır qəzaya səbəb olub. Avtosfer.az xəbər verir ki, hadisə avqustun 31-də baş verib. Belə ki, 99-FM-652 qeydiyyat nişanlı “Mercedes” markalı avtomobilin sürücüsü ötmə  qaydasını pozaraq qəfildən sol zolağa yerdəyişmə edib. Bu zaman görüntünü qeydə alan sürücünün qarşısına çıxaraq onu qəzaya salıb.

“Yol hərəkəti haqqında” qanunun 51-ci maddəsində qeyd olunub ki, sürücü ötməyə başlamazdan əvvəl əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq. Lakin əksər sürücülər bu qaydalara əməl etmirlər. Onlar düşünürlər ki, ötməyə başlayıbsa hamı onlara yol verməlidir.

Leyla