Paytaxtda piyadanı vurub öldürərək hadisə yerindən qaçan sürücü yaxalandı

Bakıda piyadanın ölümünə səbəb olaraq hadisə yerindən yayınan sürücü tutulub. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, oktyabrın 1-də saat 20 radələrində Binəqədi rayonu ərazisində müəyyən edilməmiş avtomobillə yolu keçən Bakı şəhər sakini Həcər Allahverdiyeva vurulub. Xəsarətlə xəstəxanaya yerləşdirilmiş piyada orada ölüb.

Binəqədi RPİ 4-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində ölümlə nəticələnmiş yol qəzasını törədərək hadisə yerindən yayınmaqda şübhəli bilinən “Ford” markalı  avtomobilin sürücüsü, Bakı şəhər sakini O.Məmmədov saxlanılıb.

Namiq Musayev