Peruda yol-nəqliyyat qəzası nəticəsində 8 nəfər ölüb

Perunun mərkəzində yerləşən Pasko bölgəsində sərnişin mikroavtobusunun traktor qoşqusu ilə toqquşması nəticəsində azı səkkiz nəfər həlak olub.

Avtosfer.az “Azərtac”a istinadən xəbər verir ki, mikroavtobus yerli vaxtla səhər saat 8:00 radələrində qəzaya uğrayıb. Ölənlər arasında üç azyaşlının da olduğu bildirilir.

Qəzanın dəqiq səbəblərini müəyyən etmək üçün araşdırma başlayıb.