Piyadaya yol verən sürücü qəza törədib - FOTO
Qəzalar
10 Mart 2015 15:31
Oxunub 1499
Hadisə nəticəsində xəsarət alan olmayıb
Yasamal rayonunda nəqliyyat hadisəsi baş verib. Avtosfer.az "report"-a istinadən xəbər verir ki, hadisə İnşaatçılar prospekti ilə Landau küçəsinin kəsişməsində, Hüseyn Cavid parkının yaxınlığında baş verib. Belə ki, parkdan çıxaraq qəfil piyada zolağına daxil olan şəxs yaxınlaşmaqda olan avtomobilləri görməyib. Həmin piyadaya yol vermək istəyən "Kia" markalı minik maşınının sürücüsü qəzadan yayınsa da, avtomaşının arxası ilə hərəkət edən "Samand" markalı avtomobil həmin nəqliyyat vasitəsinə çırpılıb. Hadisə nəticəsində xəsarət alan olmayıb.
Qeyd edək ki, yol qəzasının təfərrüatlarını Yasamal Rayon Polis İdarəsi araşdırır.
ŞƏRH YAZ