Polisin təqibi qəza ilə BİTDİ - 13 nəfər xəsarət aldı - FOTO

Fransada polisin təqibi kütləvi yol-nəqliyyat hadisəsi ilə nəticələnib.

Avtosfer.az xarici mediaya istinadən xəbər verir ki, hadisə paytaxt Parisdə baş verib.

Belə ki, oğurlanmış avtomobilin sürücüsü və onun iki sərnişini polisin tələblərinə məhəl qoymayaraq yayınmağa çalışıblar. 

Lakin bir müddət sonra maşın işıqforla toqquşub, ardınca da təqibdə olan üç polis avtomobili onlara çırpılıb.

Zərbənin təsirindən polis maşını oğurlanmış avtomobilin üzərinə dırmaşıb. Hadisə nəticəsində 10-u polis olmaqla 13 nəfər xəsarət alıb.

Yüngül xəsarətlər alan sürücü və onun iki sərnişini qaçmağa cəhd edən zaman saxlanılıb.

Namiq