Prezidentin korteji qəzaya uğradı

Dağıstanın prezidenti Ramazan Abdulatipovun korteji qəzaya uğrayıb. APA-nın RİA Novosti agentliyinə istinadən verdiyi xəbərə görə, insident nəticəsində zərərçəkən olmayıb. «İş günündən sonra Respublika başçısının kortejinin iştirakı ilə yol-nəqliyyat hadisəsi baş verib, ölən yoxdur. İnsident zamanı Dağıstan prezidenti zərər çəkməyib”, Dağıstan hökumətinin mətbuat xidməti idarəsindən bildiriblər. Yol-nəqliyyat hadisəsinin Mahaçqala-Kaspiysk yolunda baş verdiyi qeyd olunur.