Prospektdə qəza - FOTO

Bir neçə dəqiqə əvvəl akademik Həsən Əliyev prospektində yol qəzası baş verib. Avtosfer.az "qafqazinfo"ya istinadən xəbər verir ki, "Toyota Corolla" markalı avtomobil "Toyota Prado"nu arxadan vurub. "Prado"nun piyada xəttində piyadalara yol vermək üçün qəfil dayanması nəticəsində ara məsafəsini gözləməyən "Corolla"nın sürücüsü ona çırpılıb. Hadisə nəticəsində yaralanan olmayıb, "Corolla"nın hava yastıqlarının açılması sürücünü və sərnişini xəsarətdən qoruyub. Buna baxmayaraq qəza törədən avtomobil ciddi zərər görüb.