Qatar yük maşını ilə toqquşub, 1 nəfər ölüb

Tatarıstanda ötən gün saat 19:40-da Novonikolaevski qəsəbəsi yaxınlığında dəmir yolu keçidində propan qazı ilə doldurulmuş çənləri daşıyan qatar yük maşını ilə toqquşub.

Fövqəladə Hallar Xidmətinin məlumatına istinadən xəbər verir ki, hadisə nəticəsində 1 nəfər ölüb.

Altı çəndən üçü aşıb, digərləri relsdən çıxıb. Çənlərdə sızmanın olub-olmadığı dəqiqləşdirilir.

Qatarların hərəkətində heç bir gecikmənin olmadığı bildirilir.