Qəza baş verdi, 70 yaşlı şəxs oğurluq etdi - VİDEO

Adətən avtobusda sərnişin və sürücülərin tez-tez oğruların hədəfinə tuş gəlməsinin şahidi oluruq. Bu dəfə belə bir hadisə Türkiyənin İsatanbul şəhərində baş verib. Oğurluq edən isə 70 yaşlı qocadır.

Avtosfer.az atv.az-a istinadən xəbər verir ki, hadisə qəza zamanı baş verib. Belə ki, avtobus hərəkətdə olarkən arxadan gələn avtomobilin sürücüsü idarəetməni itirir və toqquşma baş verir. Sürücü nə baş verdiyini öyrənmək məqsədilə avtobusdan düşür. 70 yaşlı sərnişin isə ətrafdakıların diqqətsizliyindən istifadə edərək sürücünün telefonunu oğurlayaraq dərhal pencəyinin cibində gizlədir. Daha sonra isə heç nə olmamış kimi rahat şəkildə avtobusdan enərək yoluna davam edir.

Bir neçə saat sonra isə telefonunun oğurlandığını fərqinə varan sürücü dərhal polisə məlumat verib. Polis hadisənin avtobusda baş verdiyini ehtimal edərək nəqliyyat vasitəsində olan təhlükəsizlik kamerasının görüntülərinə baxmaq qərarına gəlir. Anbaan lentə alınan görüntülərdə oğurluğu yaşlı sərnişinin etdiyi ortaya çıxıb.