Qubada avtomobillər toqquşub: Xəsarət alanlar var

Qubada üç nəfərin xəsarət alması ilə nəticələnən yol nəqliyyat hadisəsi baş verib.

Hadisə gecə saatlarında Quba şəhəri, Heydər Əliyev prospektində qeydə alınıb.

Belə ki, “Hyundai” və VAZ-2107 markalı avtomobillər toqquşub. Nəticədə 42 yaşlı Qubatov Vüqar Qadir oğlu, 22 yaşlı Süleymanov Həzrət Tərlan oğlu və hələlik şəxsiyyəti məlum olmayan daha bir nəfər ağır bədən xəsarətləri alıb.

Yaralılar Quba Müalicə və Diaqnostika Mərkəzinə yerləşdirilib. V.Qubatovun vəziyyəti ağır, digər yaralıların vəziyyəti isə orta ağır olaraq qiymətləndirilir.

Fakla bağlı araşdırma aparılır. (Report)