Qubaya yasa gedənlərin maşını aşdı: 5 yaralı

Bu gün günorta saatlarında Bakı-Quba-Rusiya yolunda minik maşını aşıb. Anspress-in verdiyi məlumata görə, hadisə yolun 94,8-ci km-də, Siyəzən rayonu ərazisində qeydə alınıb. Belə ki, 1978-ci il təvəllüdlü Kəmalə Faiq qızı Nəcəfovanın idarə etdiyi “Nissan Tiida” markalı, 90 BP 208 dövlət nömrə nişanlı avtomaşın yoldan çıxaraq aşıb. Qəza zamanı avtomobildə 5 nəfər olub. Onlar müxtəlif dərəcəli xəsarətlər alblar. Xəsarət alan sürücü, eləcə də, onun sərnişinləri 1955-ci il təvəllüdlü Valentina Beleqasova, 1988-ci il təvəllüdlü Aynurə Hadıyeva, 1956-cı il təvəllüdlü Səbirə Novruzova və 2003-cü il təvəllüdlü Xanlar Həmidov Siyəzən Regional Diaqnostika Mərkəzinə yerləşdirilib.

Baş Dövlət Yol Polis İdarəsinin təhqiqatçısı Rauf Səfərovun verdiyi məlumata görə, maşın texniki nasazlıq ucbatından aşıb. Avtomobilin təkərində problem olub.

Qeyd edək ki, avtomobildə olanlar Bakıdan Qubaya yas mərasiminə gedirmişlər. 

Faktla bağlı araşdırmalar aparılır.