Qusarda baş vermiş zəncirvari qəzada 4 nəfər yaralandı - VİDEO

Qusar rayonu Ç.Qurbanov küçəsində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 6-da səhər saatlarında qeydə alınıb. Belə ki, hərəkətdə olan Qusar Rayon Mərkəzi Xəstəxanasına məxsus “Mercedes” markalı Təcili Tibbi Yardım maşını, “VAZ-21140” və “Mercedes” markalı avtomobillərlə toqquşub. Qəza nəticəsində hər üç nəqliyyat vasitəsinə maddi ziyan dəyib və 4 nəfər müxtəlif dərəcəli bədən xəsarətləri alıb.

Qeyd edək ki, faktla bağlı Qusar Rayon Polis Şöbəsində araşdırma aparılır.

Nərmin