Reys avtobusu aşdı; 13 ölü, 25 yaralı - FOTO

Meksikanın Çıyapas ştatında reys avtobusunun iştirakı ilə ağır yol qəzası baş verib. Avtosfer.az xəbər verir ki, hadisə La-Kampana yaşayış məntəqəsində qeydə alınıb. Bu barədə “Milenio” qəzeti məlumat yayıb.

Nəşrin məlumatına görə, hərəkətdə olan sərnişin avtobusu, hələlik müəyyən olmayan səbəblərdən sürücünün idarəetməsindən çıxaraq yol kənarına aşıb. Qəza nəticəsində 13 nəfər ölüb, 25 nəfər isə xəsarət alıb.

Yaralılar, hadisə yerinə çağırılan ambulanslarla xəstəxanaya çatdırılıblar.  

Hüquq-mühafizə orqanları qəzanın baş vermə səbəblərini araşdırır.

Namiq Musayev