Rusiyada yol-nəqliyyat hadisəsində ölənlərin sayı 12-yə çatdı - YENİLƏNİB

Samarada baş vermiş yol qəzası nəticəsində ölənlərin sayı 12 nəfərə çatıb.

TASS xəbər verir ki, bu barədə bölgə qubernatoru Dmitri Azarov öz “Instagram” səhifəsində bildirib.

“Bu dəqiqə üçün qəzada ölənlərin sayı 12 nəfərə çatıb. 10 nəfər yerindəcə, iki nəfər isə xəstəxanada vəfat edib. Cəmi 24 nəfər zərərçəkmiş şəxs var. Onların hamısı Sizran rayon mərkəzi xəstəxanasına çatdırılıb. Üç nəfər əməliyyat masasındadır”, - deyə qubernator qeyd edib.

22:09

Rusiyada ağır yol qəzası baş verib.

Bu barədə  TASS-a  xəbər verir.

Məlumata görə, hadisə Samara əyalətində qeydə alınıb. Belə ki, sərnişin avtobusunun yük avtomobili ilə toqquşması nəticəsində 10 nəfər həlak olub, daha 14 nəfər xəsarət alıb.

İlkin məlumata görə, qəzaya avtobusun manevr etməsi səbəb olub. Qeyd edilir ki, qəza avtobus sürücüsünün ötmə əməliyyatı nəticəsində baş verib.