Rusiyada azərbaycanlı iş adamının maşınını yandırdılar – VİDEO

Kalininqradda Fermor küçəsində fevralın 18-də səhər saat beş radələrində baş vermiş yanğın nəticəsində 18 maşın yanıb. Avtosfer.az Rusiya KİV-nə istinadən xəbər verir ki, ilkin olaraq 8 saylı binanın qarşısında olan avtodayanacaqda “Mersedes Sprinter” markalı mikroavtobus yanıb.  İlkin məlumatlara əsasən, mikroavtobus Azərbaycandan olan 49 yaşlı iş adamına məxsus olub. O, Zaxarovsk bazarında meyvə-tərəvəz satışı ilə məşğul olur.  Yanğın ani olaraq yaxınlıqdakı maşınlara keçib. Nəticədə 6 maşın tamamilə yanıb, 12 maşın isə xəsarət alıb. Hazırda yanğının səbəbləri araşdırılır. İlkin olaraq, bunun qəsdən yandırma olduğu ehtimal edilir. Hadisə yerində istintaq-əməliyyat tədbirləri aparılır. Dəymiş ziyanın məbləği müəyyən edilir.