Rusiyada “Qazel”lə benzindaşıyan avtomobil toqquşub, 7 nəfər ölüb

Rusiyanın Belqorod şəhərində sərnişin “Qazel”inin iştirakı ilə ağır qəza baş verib.

APA xəbər verir ki, bu barədə vilayətin qubernatoru məlumat verib.

Qubernator bildirib ki, “Qazel”in yol kənarında dayanan benzindaşıyan avtomobilə çırpılması nəticəsində 7 nəfər ölüb, 3 nəfər xəsarət alıb. Hadisə yerinə təcili yardım briqadası cəlb olunub.