Rusiyada “Sierra P2002” markalı yüngülmühərrikli təyyarə qəzaya uğrayıb.

Avyosfer.az TASS-a istinadən xəbər verir ki, hadisə Xabarovskinin Kalinka kəndində baş verib.Nəticədə bir nəfər yerindəcə ölüb, xəsarət alan qadın isə hər iki ayağının sınığı ilə 2 saylı regional klinik xəstəxanaya aparılıb.

İstintaqın ilkin araşdırmasına görə, təyyarə səhər saatlarında Kalinka eniş ərazisinə düşüb. İstintaq hadisənin başvermə səbəbi kimi üç versiya irəli sürüb: pilot səhvi, təyyarənin texniki nasazlığı, əlverişsiz hava şəraiti. Bunların hansının doğru olacağı araşdırma zamanı ortaya çıxacaq.