Rusiyada yük maşını velosipedçiləri vurub, azı 2 nəfər ölüb

Rusiyanın Leninqrad vilayətində, Sankt-Peterburq şəhəri yaxınlığında yük maşınının bir qrup velosipedçini vurması nəticəsində azı iki nəfər ölüb, xəsarət alanlar var.

Avtosfer.az xəbər verir ki, bu barədə Rusiya Daxili İşlər Nazirliyinin mətbuat xidməti məlumat yayıb.

Məlumata əsasən, hadisə Skandinaviya magistralının 60-cı kilometrliyində baş verib. “KamAZ” markalı yük maşını velosipedçilərdən ibarət qrupu müşayiət edən minik avtomobilinə çırpılıb, sonra isə velosipedçiləri vurub.

Hazırda hadisənin baş vermə səbəbləri və xəsarət alanların sayı dəqiqləşdirilir.

apa