Saatlıda avtomobil kanala aşdı: ölən var

Saatlı rayonunda avtomobil kanala aşıb. Avtosfer.az regiontv-yə istinadən xəbər verir ki, hadisə bu gün səhər saat 9.00 radələrində Saatlı rayonunun Hacıqasımlı kəndi ərazisində qeydə alınıb. 

İmişli rayonunun Rəsullu kənd sakini, 1981-ci il təvəllüdlü Nizam Alim oğlu Fərəcov “KİA Cerato” markalı avtomobili idarə edərkən yoldan çıxararaq kanala aşırıb. 

Nəticədə sürücü hadisə yerində dünyasını dəyişib. 

Faktla bağlı Saatlı rayon Polis Şöbəsində araşdırma aparılır.