Şabran qəzasında ölən bəlli oldu

Şabran rayonunda baş verən qəzada ölənin kimliyi bəlli olub. Avtosfer.az xəbər verir ki, bu barədə anspress-in bölgə müxbirinin verdiyi məlumata görə, Baş Dövlət Yol Polisinin İstintaq və Təhqiqat şöbəsinin müstəntiqi Cəsarət Bayramov bildirib ki, qəza Gəndob-Yalama yolunun 9-cu kilometrliyində Ağalıq kəndi ərazisində baş verib. Gəndob istiqamətində hərəkət edən "VAZ 21099" markalı maşın Ramiz Hümbət oğlu Allahverdiyevin idarə etdiyi Xaçmaz istiqamətində hərəkət edən trayler maşınının qarşısına çıxıb. Baş verən qəza nəticəsində "VAZ 21099"un sürücüsü Bəxtiyar Murad oğlu Usmanov ölüb. Məlumatda həmçinin bildirilib ki, ölən Bəxtiyar Usmanov Şabranın Udulu kəndində məskunlaşan Axıska türklərindəndir.