Şabranda iki maşın toqquşub: 1 ölü, 4 yaralı

Şabran rayonu ərazisində ağır yol-nəqliyyat hadisəsi baş verib. Avtosfer.az APA-ya istinadən xəbər verir ki, qəza 10 SH 313 dövlət nömrə nişanlı “VAZ 2106” markalı maşınla “Nissan Tida” markalı avtomobil toqquşub. Qəza nəticəsində “VAZ 2106”da olan Azad adlı bir nəfər dünyasını dəyişib, 4 nəfər müxtəlif dərəcəli bədən xəsarətləri ilə Şabran Mərkəzi Rayon Xəstəxanasına yerləşdirilib. Onlar “Nissan Tida”nın sürücüsü Məmmədov Ehtiram Məmmədhüseyn oğlu, “VAZ 2106”da olan Əliyev Emin Vahid oğlu,Məhərrəmov Rafael Feyruz oğlu və Nadirov Rəsul Elman oğludur. Onların vəziyyətlərinin ağır olduğu bildirilir.

Faktla bağlı araşdırma aparılır.