Salyanda dəhşətli qəza- 1 ölü, 2 yaralı - FOTOLAR

Bu gün axşam saatlarında Bakı-Astara magistralında ağır yol-nəqliyyat hadisəsi baş verib. Avtosfer.az aznews.az-a istinadən xəbər verir ki, Salyan rayonunda yol polisi postunun yaxınlığında 90-NP-125 nömrə nişanlı «VAZ-21015» markalı avtomobillə 10-NJ-808 nömrə nişanlı “Mercedes” markalı avtomobil toqquşub. Hadisə nəticəsində «VAZ- 21015»-in sürücüsü hadisə yerində keçinib, sərnişini isə ağır yaralanıb. “Mercedes”in də sürücüsünün ciddi xəsarətlər aldığı bildirilir. Hər iki yaralı Salyan Mərkəzi xəstəxanasına aparılıb. Hadisə yerinə yol polisi əməkdaşları, eləcə də Fövqəladə Hallar Nazirliyinin xilasediciləri cəlb edilib.