Şamaxıda avtomobil aşıb, bir nəfər ölüb, üç nəfər yaralanıb

Şamaxı rayonunda avtomobil aşıb, bir nəfər ölüb, üç nəfər yaralanıb.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, hadisə oktyabrın 29-da saat 23 radələrində rayonun Quşçu kəndi ərazisində qeydə alınıb.

Belə ki, Şamaxı şəhər sakini Tural Hörmətzadə idarə etdiyi “VAZ-2107” markalı avtomobili yolun kənarına aşırıb. Nəticədə sürücü hadisə yerində ölüb, 3 sərnişini isə xəstəxanaya yerləşdirilib.

Şamaxı Rayon Polis Şöbəsində araşdırma aparılır.