Şamaxıda qəza: iki yaralı

Ötən gecə Şamaxıda 2 nəfərin xəsarət alması ilə nəticələnən avtomobil qəzası qeydə alınıb. Avtosfer.az regiontv-yə istinadən xəbər verir ki, hadisə Bakı-Şamaxı-Yevlax yolunun 112-ci km-də Şamaxının Mərzəndiyə kəndi yaxınlığında baş verib. Şamaxı sakini Ruslan Qədirov şəhər istiqamətində hərkətdə olarkən bir anda avtomobil yolun soluna çıxıb və aşıb. Deformasiyaya uğramış avtomobilin içərisində olan sürücü Ruslan Qədirov və onun qohumu sərnişin Fəqan Dəmirov yoldan keçən insanların köməkliyi ilə avtomobildən çıxarılıb. Şamaxı rayon Xəstəxanasına çatdırılan hər iki xəstənin vəziyyəti ağırdır. 

Fakt araşdırılır.