Şəkidə bordürə çıxan “015” işıq dirəyini yerindən qopardı - VİDEO

Şəkidə idarəetməni itirən sürücü avtomobili işıq dirəyinə çırpıb.
Avtosfer.az-ın məlumatına əsasən, yol-nəqliyyat hadisəsi bir neçə gün əvvəl səhər saatlarında “Çöl yol “ deyilən ərazidə baş verib. Görüntüdən aydın olduğu kimi, 99-CZ-874 dövlət nömrə nişanlı, “VAZ-2115” markalı avtomobil yoldan çıxaraq qəza törədib. Qəzaya səbəb avtomobilin yüksək sürətlə idarə olunduğu bildirilir. Belə ki, sürət həddini aşan sürücü qəflətən sükanı buraxıb və maşını işıq dirəyinə vuraraq bordürə çıxıb. Nəticədə “015”in ön hissəsi yararsız vəziyyətə düşüb. Həmçinin işıq dirəyi aldığı zərbə ilə qoparaq yerə aşıb. Xoşbəxtlikdən ölüm faktı qeydə alınmayıb. 

Nərmin