«Shagman» və «Mercedes» toqquşdu, yolda gedən piyada öldü

Goranboy rayonu ərazisində yol-nəqliyyat hadisəsi ölümlə nəticələnib. Daxili İşlər Nazirliyinin mətbuat xidmətindən Avtosfer.az-a verilən məlumata görə, sentyabrın 21-də saat 03 radələrində Goranboy rayonu ərazisində Gədəbəy rayon sakini Zülfüqar Cəfərovun idarə etdiyi “Shagman” və Gəncə şəhər sakini Seymur Mirzəyevin idarə etdiyi “Mercedes” markalı avtomobillər toqquşub. İdarəetməni itirmiş “Shagman”ın sürücüsü Z.Cəfərov hadisə yerinin yaxınlığında olan 45-50 yaşlı kişini, “Mercedes”in sürücüsü S.Mirzəyev isə yolun kənarında dayanmış Goranboy rayon sakini Səbuhi Həsənova məxsus “VAZ-21074” markalı avtomobili vurub. Xəstəxanaya yerləşdirilmiş 45-50 yaşlı kişi ölüb. Faktla bağlı BDYPİ tərəfindən araşdırma aparılır.

Emin