Şirvanda iki qardaş yol qəzasına düşdü:1 ölü

Şirvan şəhərində ölümlə nəticələnən yol nəqliyyat hadisəsi baş verib. Avtosfer.az xəbər verir ki, hadisə şəhərin H.Əliyev prospektində qeydə alınıb. Şirvan sakini, 1985-ci il təvəllüdlü Məhəbbət Şirməmmədov idarə etdiyi “VAZ 21013” markalı avtomobillə əks istiqamətdə hərəkətdə olan Rafiq Hümbətovun sürdüyü “Ford Tranzit” markalı avtomobillə toqquşub. 

Nəticədə “VAZ 21013” markalı avtomobilin sürücüsü və avtomobildə olan qardaşı -1990-cı il təvəllüdlü Cəmil Şirməmmədov xəstəxanaya yerləşdirilib. Sürücü aldığı bədən xəsarətlərindən xəstəxanada ölüb. 

Faktla bağlı araşdırma aparılır.