Şou göstərmək istədi, amma... - VİDEO

Şou göstərmək istədi, az qala həyatından olacaqdı. Braziliyada bir motosiklet sürücüsünün əylənmə həvəsi onu ölümlə üz-üzə qoyub. Hərəkətdə olan motosiklet üzərində ayağa durmağa çalışan adrenalin həvəskarı, müvazinətini itirərək, nəqliyyat vasitəsinin altına yıxılıb.

Avtosfer.az atv-az-a istinadən xəbər verir ki, dəhşətli qəza elə baykerin dostları tərəfindən anbaan görüntülənib. Hər şey  planlaşdırıldığı kimi davam etsəydi, qorxusuz  gənc hərəkətdə olan motosiklet  üzərində, Rio-de Janeyronun rəmzinə çevrilən "xilaskar İsa" heykəli kimi dayanacaqdı. Amma, gəncin ümidləri suya, özü isə motosikletin altına düşüb. Xoşbəxtlikdən arxadan gələn digər motosikletlər yerdəki adrenalin həvəskarını tapdalamayıb.

Braziliya mediyasının məlumatına görə, məsuliyyətsiz gəncin, ilk cəhdini yolda şütüyən nəqliyyat vasitələri arasında, saatda 90 km sürətlə hərəkət edən motosiklet üzərində gerçəkləşdirmək istəməsi ağılsızlıqdır.