Sumqayıtda ağır qəza: ölən var

Sumqayıt şəhərində yol-nəqliyyat hadisəsi baş verib. Avtosfer.az-ın Daxili İşlər Nazirliyinin saytına istinadən verdiyi xəbərə görə, gecə saat 01.00 radələrində şəhərin H.Zeynalabdin qəsəbəsi ərazisində Gədəbəy rayon sakini Ruslan Həsənovun idarə etdiyi “Shachman” və Mingəçevir sakini Gündüz Ağayevin idarə etdiyi “VAZ-2106” markalı avtomobillər toqquşub. G.Ağayev və sərnişini Anar Qasımov xəstəxanaya yerləşdirilsə də, A.Qasımovun həyatını xilas etmək mümkün olmayıb.