Sürətlə gələn yük maşını qarşısına çıxanları əzib keçdi - Bakıda dəhşətli qəza - VİDEO

Bakıda baş verən dəhşətli yol nəqliyyat hadisəsinin videosu anbaan təhlükəsiz şəhər kamerasına düşüb. Avtosfer.az xəbər verir ki, Daxili İşlər Nazirliyi Nəqliyyatı İntellektual İdarəetmə Mərkəzi qeydə alınmış videogörüntünü paylaşıb.

Belə ki, yüksək sürətlə hərəkət edən "MAN" markalı yük avtomobilinin sürücüsü, qarşıda avtomobillərin sürətini azaltmasını görsə də, dayana bilməyib. O, gəldiyi sürətlə maşınlara və yolun hərəkət hissəsində dayanıb söhbət edən piyadaya çırpılıb.

Videogörüntüdən aydın şəkildə görünür ki, qəzanı bilavasitə yük maşını törətsə də, hadisənin baş verməsinə səbəb ikinci cərgədə dayanmış avtomobillər olub. Qanunsuz parklanma səbəbindən hərəkət üçün yalnız bir zolaq qalıb. Yolda butulka effekti yarandığı üçün sürücülər hərəkət olan zolağa növbəli şəkildə keçməli olublar. Bu isə hərəkət sürətinin azalmasına səbəb olub. Nəticədə ara məsafəsini düzgün seçməyən yük avtomobilinin sürücüsü dəhşətli qəzanın baş verəməsinə səbəb olub.

Fərid