Təyyarəni ildırım vurdu

Rusiya paytaxtına uçuş həyata keçirən təyyarəni ildırım vurub. Avtosfer.az anspress-ə istinadən məlumat verir ki, Çita – Moskva reysini həyata keçirən "Boinq 737" təyyarəsi "Şeremetyevo" aeroportunda ildırıma düşüb. Hadisə hava gəmisi aeroporta enərkən baş verib.

İldırım düşməsinə baxmayaraq təyyarə müvəffəqiyyətlə eniş edib. Sərnişinlər və ekipaj üzvlərindən heç birinə zərər dəyməyib. Uçuşdan sonraki müayinə zamanı təyyarənin siqnal ötürücüsündə nasazlıq olduğu məlum olub. Mütəxəssislər bildirib ki, hadisə təyyarənin uçuş qabiliyyətlərinə zərər vurmayıb. Buna görə də təyyarə adi qaydada reysləri yerinə yetirməyə davam edib. Qeyd edək ki, təyyarəyə ildırım düşməsi nadir hadisə deyil. Uçuşlar zamanı belə hadisələr baş verir. Ancaq ildırım düşməsi təhlükəli hadisədir. Belə ki, bu zaman ağır qəzalar baş verə bilər.