TIR-ın arxa buferinə ilişib uzun müddət yol getməli oldu – QEYRİ-ADİ QƏZA - VİDEO

Şimali Kiprin Qazimağusa–Ercan yolunda diqqətçəkən yol qəzası baş verib.

Avtosfer.az xəbər verir ki, minik avtomobili qarşısında gedən TIR-a arxadan çırpılıb və bir müddət yük maşını ilə birlikdə hərəkət edib.

Hadisə şahidlərinin bildirdiyinə görə, toqquşmadan sonra minik avtomobili idarəetməni tam itirib və TIR-ın arxa buferinə ilişib. Qəza anı ərazidə olan şəxslər tərəfindən lentə alınıb.

Qəza nəticəsində xəsarət alanların olub-olmadığı barədə hələlik rəsmi məlumat verilməyib. Hadisə yerinə polis və təcili yardım xidməti cəlb olunub. Faktla bağlı araşdırma aparılır.

Eltac Zülfüqaroğlu