Tovuzda mikroavtobus aşdı: 6 yaralı

Avtosfer.az regiontv-yə istinadənxəbər verir ki, Tovuzda traktorla mikroavtobus toqquşub. Qəzada 6 nəfər xəsarət alıb.  Tovuz rayonunun girişində Aşağı Quşçu kənd sakini Vüqar Bayramovun idarə etdiyi traktorla Bozalqanlı sakini Mirzə Abbasovun sürücüsü olduğu "Mercedes-Sprinter" toqquşub. Qəza miktoavtobus ötmə əməliyyatını həyata keçirən zaman baş verib. Nəticədə sərnişindaşıyan mikroavtobus aşıb, 6 nəfər müxtəlif dərəcəli bədən xəsarətləri alaraq Tovuz Mərkəzi Rayon Xəstəxanasına çatdırılıblar. Xəsətəxanadan verilən məlumata görə, yaralılardan 4-nün xəsarətləri yüngül olduğundan ambulator müayinə olunaraq evə buraxılıb. Digər iki nəfər - Mirzə Abbasov və Səlmi Şirinovanın vəziyyətini isə həkimlər kafi qiymətləndirirlər. 

Faktla bağlı araşdırma aparılır.