Tovuzda mikroavtobus maşınla toqquşdu - Ölən var

Tovuzda ağır yol-nəqliyyat hadisəsi baş verib.

DİN-dən Avtosfer.az -a verilən məlumata görə, noyabrın 7-də saat 7 radələrində Tovuz şəhərinin ərazisində Bayramlı kənd sakini B.İsgəndərovun idarə etdiyi “VAZ-21074” markalı avtomobillə Yuxarı Öysüzlü kənd sakini N.Hüseynovun idarə etdiyi “Mercedes” markalı mikroavtobus toqquşub.

Nəticədə B.İsgəndərovun sərnişini Asif Alıyev hadisə yerində ölüb.

Tovuz RPŞ-də araşdırma aparılır.