Turist mikroavtobusu qəzaya uğradı: Ölənlər var

Türkiyədə Konyanın Beyşehir rayonunda turistləri daşıyan mikroavtobusun minik avtomobili ilə toqquşması nəticəsində ata və oğlu ölüb, 6 nəfər yaralanıb.

Avtosfer.az "Haber Global"a istinadən xəbər verir ki, hadisə Beyşehir-Antalya magistral yolunda baş verib.

Avtomobildə olan Eyüp Eyi hadisə yerində, oğlu Mehmet Eyi isə xəstəxanada vəfat edib.

Mikroavtobusda olan 5 turist Beyşehir Dövlət Xəstəxanasına aparılıb.

Turistləri daşıyan mikroavtobusun Kapadokiyadan Antalyaya getdiyi məlum olub.