Türkiyədə zəncirvari qəza: 3 ölü, 45 yaralı

Türkiyənin Dənizli şəhərinin Pamukkale rayonunda 3 avtomobilin toqquşması nəticəsində 3 nəfər ölüb, daha 45 nəfər yaralanıb.

Bu barədə “Haber Global”a xəbər verir.

Qeyd edilir ki, Muğladan Afyonkarahisara gedən və sürücüsü hələ məlum olmayan, turizm şirkətinə məxsus sərnişin avtobusu mikroavtobusa və digər avtomobilə çırpılıb. Zərbənin təsirindən avtobus idarəetmədən çıxaraq aşıb.

Hadisə yerinə təcili yardım, polis, jandarm, xilasedicilər cəlb olunub. Xilasedicilər avtobusda sıxılmış vəziyyətdə qalan yaralılardan bəzilərini çıxararaq təcili yardıma təhvil veriblər.

Yaralılar xəstəxanalara çatdırılıb.

(report)