“UAZ” meşədə qəzaya uğradı, yaralı var

Gədəbəydə sürücünün yaralanması ilə nəticələnən yol nəqliyyat qəzası baş verib. Gədəbəy rayon Polis Şöbəsindən APA-ya verilən məlumata görə, hadisə fevralı 17-də saat 17 radələrində rayonun Pirbulaq kəndinin yaxınlığında meşədə baş verib. Kənd sakini, 1974-cü il təvəllüdlü Etibar İdris oğlu Aslanov idarə etdiyi “UAZ” markalı avtomobillə meşədə hərəkət edərkən idarəetməni itirib və maşın ağaca çırpılıb. Qəza nəticəsində sürücü E.Aslanov xəsarət alıb. Yaralı əvvəlcə Gədəbəy rayon xəstəxanasına sonra isə Gəncə şəhər Təcili Tibbi Yardım xəstəxanasına yerləşdirilib. Həkimlər E.Aslanovun vəziyyətinin ağır olduğunu bildirilər.

Faktla bağlı Gədəbəy rayon Polis Şöbəsində araşdırma aparılır.