Xaçmazda 37 yaşlı motosikletçi qəza törədərək xəsarət alıb

Xaçmaz rayonunda xəsarətlə nəticələnən yol qəzası olub.

“Report”un məlumatına görə, hadisə şəhərin Qələbə küçəsində qeydə alınıb.

Belə ki, sürücü, 1984-cü il təvəllüdlü Ruslan Adil oğlu Qubatov motosikletə idarəetməni itirib. Nəticədə nəqliyyat vasitəsi yoldan çıxaraq aşıb.

Hadisə zamanı müxtləlif xəsarətlər alan sürücü Xaçmaz Rayon Mərkəzi Xəstəxanasına çatdırılıb, onun vəziyyətinin ağır olduğu bildirilir.

Faktla bağlı araşdırma aparılır.