Xaçmazda yol qəzasında 2 nəfər xəsarət alıb

Xaçmaz rayonunda iki nəfərin xəsarət alması ilə nəticələnən yol-nəqliyyat hadisəsi baş verib. Salamnews-un verdiyi xəbərə görə, hadisə Xudat-Yalama yolunun 2-ci kilometrliyində qeydə alınıb. Xudat şəhər sakini 31 yaşlı Nazim Həmidovun idarə etdiyi “VAZ-2106” markalı avtomaşın yoldan çıxıb. Qəza nəticəsində xəsarət almış sürücü və maşında olan 39 yaşlı sərnişin Tahir Seyidov Xaçmaz Mərkəzi Rayon Xəstəxanasına yerləşdirilib. Tibb müəssisəsindən bildirilib ki, yaralıların vəziyyəti orta ağırdır. Faktla bağlı araşdırma aparılır.